QUEN SOMOS


c u n c a   é unha editorial que xorde en Santiago de Compostela co propósito de acadar un oco na industria editorial galega. O seu eido é o libro fotográfico, de divulgación, con temática decididamente arraigada no noso territorio, explorando as distintas vertentes da nosa cultura –os distintos perfís do noso país.

O noso obxectivo é recoller con eficacia e profesionalidade unha serie de temas e tratalos con renovado interese, para transmitilos ao noso público en consonancia coas súas expectativas, enfocando naqueles puntos máis salientables da nosa cultura e xeografía.


DISTINTAS RUTAS, O MESMO DESTINO


Galiza é un colectivo cultural. Distintas expresións que constrúen un fenómeno social e xeográfico formado por diversos discursos. O noso obxectivo é facer un retrato desa pluralidade. O camiño é a obxectividade, afastada dos prexuízos que rexen habitualmente o achegamento á nosa sociedade. A nosa pretende ser unha visión contemporánea, moderna, froito do noso devir de pobo formado, que se mergulla con honra no mundo ao que pertence. Xa non é unha mirada parva ou estranxeira. Querémonos mirar a nós mesmos dende a óptica do século XXI. A nosa cultura, o noso patrimonio, pero tamén a nosa evolución, o noso lugar no mundo.

Dende   c u n c a   queremos facelo por distintos vieiros. Pero o destino é o mesmo: o retrato da nosa contorna social, xeográfica, cultural e económica.

O noso obxectivo está aberto a quen queira ver, con ollos limpos, nunca máis cheos de bágoas, unha Galiza que nunca foi retratada: a Galiza das galegas e dos galegos de hoxe.

GALIZA | CULTURA

Un achegamento visual á Galiza contemporánea nunha serie de títulos destinados a retratar distintos aspectos da nosa cultura dende unha perspectiva actual.


Traxes na Galiza

[Finalista como mellor Iniciativa Bibliográfica na Gala do Libro 2017]
Tapa blanda, 21x24cm, 144 páxinas, 25€

A mirada da fotógrafa ourensana Paula Gómez del Valle, reflicte con potencia e humanidade a beleza do traxe galego, nunha serie de fotografías que mergullan ao espectador na pluralidade do sector do traxe tradicional na Galiza.


As fotografías de Paula para Traxes na Galiza non terían sido posibles sen o traballo dun gran número de persoas que prestaron o seu coñecemento, o seu tempo e o seu traballo para este propósito. Detrás de cada sesión fotográfica había máis xente organizando, pousando e aportando os seus coñecementos sobre tradición e traxe. As nosas modelos e os nosos modelos, Helena, Neves, Yolanda, André, Rebeca, Noemi, Roberto, Borja, Rocío, Sofía, Xosé e María, que participaron co mellor dos ánimos.
Dende a editorial, contactamos con numerosas entidades e traballadoras do traxe, que prestaron atención a cada detalle do proxecto, e agasalláronnos con magníficas verbas, consellos, e fermosísimas pezas para vestir: Conchita, da Asociación do Traxe Galego de Santiago de Compostela, José Antero, de Antero Artesano, en Ourense, Conchita e Mariló, do Centro de Cultura Popular Xaquín Lorenzo de Ourense, Raquel, Bego e Xisco, da Asociación Cultural Folclórica O Fiadeiro, de Vigo, Henrique, da Asociación Cultural Xacarandaina, de A Coruña, Manuel e Carmiña, do Museo do Traxe Juanjo Linares, de Ordes, Teresa e Tom, de Traxandaina, Lugo, María e Rafa, da Agrupación Folclórica Xalgarete de Vigo, e Gloria, Helena, Puri e María Jesús, da Asociación Recuperación Traxe Galego de A Guarda.
A posta en papel contou ademáis coa participación de Anna, Cédric e Cris nos traballos de tradución, e de diversos heroes anónimos, como María, ou Noemi, nos traballos de documentación, ou Andrea, na correción.
Finalmente, detrás do prelo estiveron Ana e Úrsula, coa súa sabedoría técnica.
En definitiva, máis de trinta persoas que aportaron moito de si mesmas, facendo desta unha obra colectiva e que non quere esquencer a ninguén.

Información

Traxes na Galiza está dispoñible nestes lugares.

A Coruña:
Libraría CASCANUECES
Libraría ARENAS
Libraría MOITO CONTO
Libraría COUCEIRO

A Guarda:
Libraría CERVANTES
Libraría ATLÁNTICA

Allariz:
Libraría AIRA DAS LETRAS

Foz:
Libraría BAHÍA

Gondomar:
Libraría LIBRAIDA

Cangas:
Libraría VILÁFER
Libraría MARAXE

Carballo:
Libraría BRAÑAS VERDES
Libraría TRASGO

Ferrol:
Libros CANTÓN 4
CENTRAL LIBRERA REAL
CENTRAL LIBRERA

Lestedo:
Libraría LINO

Lugo:
Libraría AGUIRRE
e
TRAXANDAINA

Muros:
Libraría GALLARDO

Rianxo:
Libraría CÁNDIDO

Ribadeo:
CASA DAS LETRAS
e
MARICA DA BERZA

Riveira:
Libraría SANYG

Santiago de Compostela:
Libraría COUCEIRO
Libraría LILITH
Libraría CHAN DA PÓLVORA
Libraría FOLLAS NOVAS
Libraría AENEA
e
deCOTÍO

Sanxenxo:
Libraría NÓS

Ourense:
Libraría EIXO
Libraría TANCO
Libraría Médica NOBEL

Pontedeume:
Libraría FERREIROS

Pontevedra:
Libraría CAO
Libraría CRONOPIOS
Libraría ESCOLMA

Ponteareas:
TÉQUELE TEQUELE

Tui:
Libraría IRIS

O Vicedo:
Libraría ABRELA

Vigo:
Libraría LIBROURO
Libraría ANDEL
e
ACF O FIADEIRO
CONTRADICION

Vilagarcía de Arousa:
Libraría VIDAL
Libraría UNIVERSAL
Libraría PAMPÍN
Libraría MONTÁNS

Vilanova de Arousa:
Libraría NOBEL

Viveiro:
Libraría PORTA DA VILA

AMAZON





GALIZA | GUIAS

Hai novos e vellos camiños que percorrer en Galiza. Novas e vellas experiencias e historias que repetir con novas e vellas persoas.
En  c u n c a   editora seguimos a traballar en distintos proxectos que afondan no noso territorio e na nosa cultura. Próximamente presentaremos máis novas.

Proxecto 2018 | 3 volumes

Tapa blanda, 14x14cm

PENSANDO EN GALIZA


Santiago de Compostela, 2016

info@cunca.es | facebook

















Ignacio Mascuñán Freijanes, 2016-2017

-->